دبئی: (ویب ڈیسک) قومی کرکٹر اعظم خان کو متحدہ عرب امارات کا گولڈن ویزا مل گیا۔
یو اے ای کا گولڈن ویزا ملنے کی خبراعظم خان نے اپنے مداحوں سے سماجی روابط کی ویب سائٹ ٹوئٹرپر شئیر کی،اعظم خان کا کہنا تھا کہ متحدہ عرب امارات کی جانب سے گولڈن ویزا ملنا میرے لیے اعزاز ہے، یو اے ای ایسا ملک ہے جسے میں اپنا دوسرا گھر تصور کرتا ہوں۔
I’m honoured to receive my GOLDEN VISA from a country which I can call my second home. @GDRFADUBAI pic.twitter.com/kydSmz2RMe
— Azam Khan (@MAzamKhan45) February 3, 2023
گولڈن ویزا حاصل کرنے والے افراد نیشنل سپانسر کے بغیر یو اے ای میں تعلیم ،کاروبار اور رہائش اختیار کرسکتے ہیں،اس سے قبل یو اے ای کی جانب سے ہمایوں سعید، وسیم اکرم، شعیب ملک، ثانیہ مرزا، جنید خان، اقرا عزیز اور یاسر حسین کو بھی گولڈن ویزا دیا جا چکا ہے۔
