لاہور: (ویب ڈیسک) ٹی 20 ورلڈ کپ کے گروپ اے کے میچ میں متحدہ عرب امارات (یو اے ای) نے سنسنی خیز مقابلے کے بعد نمیبیا کو 7 رنز سے مات دے دی۔
آسٹریلیا کے شہر میلبرن میں میگا ایونٹ کا 10واں میچ نمیبیا اور یو اے ای کے مابین کھیلا گیا۔
— T20 World Cup (@T20WorldCup) October 20, 2022
یو اے ای اننگز
پہلے بیٹنگ کرتے ہوئے متحدہ عرب امارات نے 3 وکٹ کے نقصان پر 148 رنز بنائے، اوپنر محمد وسیم نے شاندار بلے بازی کا مظاہرہ کرتے ہوئے 3 چھکوں اور 1 چوکے کی مدد سے 41 گیندوں پر 50 رنز کی اننگز کھیلی، کپتان چندنگا پوئیل پوتھیا پورائیل رضوان 43 رنز بناکر دوسرے نمایاں بیٹر رہے، ورتیا ارونڈ نے 21 اور علی شان شرفو نے 4 رنز بنائے، باسل حمید 25 سکور بناکر ناٹ آؤٹ رہے۔
ڈیوڈ ویزے، برنارڈ شولٹز اور بین شیکونگو نے 1،1 وکٹ اپنے نام کی۔
نمیبیا اننگز
149 رنز ہدف کے تعاقب میں نمیبیا کی ٹیم 8 وکٹ کے نقصان پر مقررہ 20 اوورز میں 141 رنز ہی بناسکی، ڈیوڈ ویزے کی 3 چھکوں اور 3 چوکوں کی مدد سے 36 گیندوں پر 55 رنز کی کھیلی گئی اننگز بھی رائیگاں گئی۔
باسل حمید اور ظہور خان نے 2،2 جبکہ جنید صدیق، کارتک میاپن اور محمد وسیم نے ایک، ایک وکٹ اپنے نام کی۔
مین آف دی میچ
— UAE Cricket Official (@EmiratesCricket) October 20, 2022
50 رنز اور میچ میں ایک وکٹ کے ساتھ شاندار آل راؤنڈ کارکرگی کا مظاہرہ کرنے پر محمد وسیم کو میچ کا بہترین کھلاڑی قرار دیا گیا۔
سپر 12 راؤنڈ
— T20 World Cup (@T20WorldCup) October 20, 2022
اس کے ساتھ ہی سری لنکا اور نیدر لینڈز کی ٹیمیں گروپ اے میچ سے زیادہ پوائنٹس حاصل کرنے کے بعد سپر 12 مرحلے کے لئے کوالیفائی کرچکی ہیں۔
