برسبین: (ویب ڈیسک) ٹی 20 ورلڈ کپ کیلئے آج کل آسٹریلیا میں موجود ہے جہاں ٹیم کے سیر سپاٹے بھی جاری ہیں۔
پاکستان کرکٹ بورڈ کی جانب سے قومی سکواڈ کی ایک ویڈیو جاری کی گئی ہے جو ٹیم کے مینٹور میتھیو ہیڈن کے گھر دعوت کی ہے۔
پاکستانی ٹیم نے ایک شام اپنے مینٹورمیتھیو ہیڈن کے گھر گزاری جس کے خوبصورت لمحات بورڈ نے کیمرے میں محفوظ کر لئے، قومی ٹیم کے کپتان بابراعظم اور کوچ ثقلین مشتاق سمیت مکمل سکواڈ میتھیو ہیڈن کے گھر پہنچا جہاں مینٹور نے ٹیم کا استقبال کیا اور اپنے گھر خوش آمدید کہا۔
اس موقع پر لیجنڈ بھارتی کرکٹر سنیل گواسکر بھی میتھیو ہیڈن کے گھر مدعو تھے جہاں ان کی پاکستانی اسکواڈ سے خوشگوار ملاقات ہوئی۔
میتھیو ہیڈن نے پاکستان ٹیم سکواڈ کی اپنے گھر آمد کو بہت خاص لمحہ قرار دیا، اس موقع پر کھلاڑیوں کو ہیڈن کے گھر ہنسی مذاق کرتے اور کھانے سے لطف اندوز ہوتے دیکھا جاسکتا ہے۔
