لاہور: (ویب ڈیسک) قومی کرکٹ ٹیم کے نائب کپتان شاداب خان اور فاسٹ باؤلر شاہین شاہ آفریدی کی سوشل میڈیا پر دلچسپ گفتگو وائرل ہوچکی ہے۔
خیال رہے کہ پاکستان کرکٹ ٹیم اس وقت ورلڈ کپ کے لئے آسٹریلیا میں موجود ہے اور اپنا پہلا میچ بھارت کے خلاف اتوار کو کھیلے گی۔
قومی ٹیم کے کھلاڑیوں نے فارغ وقت میں ٹوئٹر کا سہارا لیتے ہوئے ایک دوسرے کے ساتھ دلچسپ گفتگو کا تبادلہ کیا۔
ہوا کچھ یوں کہ شاداب خان نے فاسٹ باؤلر شاہین شاہ آفریدی کی گیند کو پکڑے ہوئے تصویر شیئر کی جس کے کیپشن میں معصومانہ انداز میں شکایت کی کہ کبھی مجھے بھی ایسے دیکھو جیسے گیند کو دیکھ رہے ہو، ویلکم بیک شاہین آفریدی۔
— Shadab Khan (@76Shadabkhan) October 19, 2022
پاکستان کرکٹ ٹیم کے نائب کپتان شاداب خان کے ٹوئٹ کا جواب دیتے ہوئے شاہین شاہ آفریدی نے بھی دلچسپ انداز میں جواب دیا دونوں کی تصویر شیئر کرتے ہوئے لکھا کہ کچھ کہہ رہے تھے آپ شادے؟۔
شاہین شاہ آفریدی کی جانب سے ٹوئٹ شیئر کئے جانے پر شاداب خان نے بھی ایک اور ٹوئٹ کیا اور لکھا کہ ایک ہی دل ہے کتنی بار جیتو گے۔
— Shadab Khan (@76Shadabkhan) October 19, 2022
فاسٹ باؤلر حسن علی نے بھی شاداب خان کے ساتھ اپنی تصویر ٹوئٹ کرتے ہوئے لکھا کہ ہم دیکھ لیتے ہیں آپ کو۔
— Hassan Ali (@RealHa55an) October 19, 2022
نائب کپتان نے حسن علی کو جواب دیا کہ آپ ہمارے دل میں رہتے ہیں۔
