نئی دہلی: (ویب ڈیسک)ایک بھارتی دولہا دلہن کی رقص کرتے ہوئے پھیرے لینے کی ویڈیو نے انٹرنیٹ پر دھوم مچا دی۔
بھارتی میڈیا کے مطابق یہ ویڈیو کلپ برلا پرسیژن ٹیکنالوجیز کے چیئرمین اور ایم ڈی ویدنت برلا کی طرف سے ٹوئٹر کااﺅنٹ پر پوسٹ کیا گیا ہے۔ ویڈیو میں ایک خاتون گلوکار معروف گیت’آج میرے یار کی شادی ہے‘ لائیو گا رہی ہوتی ہے اور دولہا دلہن اس کی دھن پر رقص کرتے ہوئے آگ کے گرد پھیرے لے رہے ہوتے ہیں۔
ये शादी है या संस्कारों की आहुति? ये मत भूलिए आप दुनिया में पूजनीय हैं तो केवल अपनी संस्कृति और संस्कारों की वजह से। pic.twitter.com/jZHtEfZpD7
— Vedant Birla (@birla_vedant) March 2, 2021
بھارتی انٹرنیٹ صارفین دولہا دلہن کی اس حرکت کا مذاق بھی اڑا رہے ہیں اور اس پر غصے کا اظہار بھی کر رہے ہیں۔
خود ویدنت برلا نے اس ویڈیو کے ساتھ اپنی ٹویٹ میں لکھا ہے کہ یہ شادی ہے یا ہماری روایات کی قربانی، یہ مت بھولیے کہ اگر آپ کی دنیا میں کوئی وقعت ہے تو وہ آپ کی ثقافت اور اقدار کی وجہ سے ہے۔
بھیشک کمار مشرا نامی صارف نے لکھا ہے کہ نئی نسل یہ حرکتیں کر رہی ہے۔ ان کے نزدیک روایات کی کوئی ضرورت ہی نہیں۔ کتنی گھناﺅنی حرکت کی ہے انہوں نے اور ان کے بڑے بھی پاس کھڑے تالیاں بجا رہے ہیں۔
