اسلام آباد: (دنیا نیوز) وفاقی وزیر اطلاعات مریم اورنگزیب نے کہا کہ ترکیہ کے زلزلہ متاثرین کی امداد کے حوالے سے پراپیگنڈے کا مقصد پاکستان کی عالمی ساکھ کو نقصان پہنچانا ہے۔
سماجی رابطے کی ویب سائٹ ٹوئٹر پر اپنے بیان میں وفاقی وزیر اطلاعات و نشریات مریم اورنگزیب نے کہا کہ ہم ترکیہ میں زلزلے کے بعد انسانی امداد کے حوالے سے گمراہ کن اور من گھڑت پروپیگنڈا پھیلانے والے بد دیانت عناصر کی جانب سے شروع کی گئی منظم مہم کو واضح طور پر مسترد کرتے ہیں۔
We categorically reject the orchestrated malevolent campaign by rogue elements who are spreading misleading and fabricated propaganda regarding post-earthquake humanitarian assistance to Turkiye. Such shameful attempts are designed to tarnish Pak s int l stature. pic.twitter.com/60T5foqaa0
— Marriyum Aurangzeb (@Marriyum_A) February 19, 2023
اس سے قبل مریم اورنگزیب کا کہنا تھا کہ مسلم لیگ ن اب صرف ملک کے خلاف سازش کرنے والوں کے خلاف مہم چلا رہی ہے، عدلیہ کا تمسخر اور تضحیک جو آپ کر رہے ہو اُس کی مثال نہیں ملتی، عدلیہ سے گالی دھمکی اور دھونس سے ہر روز بیل تم لیتے ہو عمران خان صاحب یہ بیان دینے کیلئے بہت ساری بے شرمی چاہئے۔
وفاقی وزیر اطلاعات نے مزید کہا کہ (ن) لیگ اب صرف اور صرف تمہیں اور تمہارے سہولت کاروں کو بے نقاب کرنے، پاکستان کی معیشت کو کھوکھلا کرنے اور عوام کو بے روزگار کرنے والے کرداروں کے خلاف مہم چلا رہی ہے، مسلم لیگ ن اب صرف فارن ایجنٹ اور توشہ خانہ چور اور ملک کے خلاف سازش کرنے والوں کے خلاف مہم چلا رہی ہے۔
