گھوٹکی : (دنیانیوز) گھوٹکی کے قریب موٹر وے ایم 5 پرمبینہ پولیس مقابلے میں ایک ڈاکو ہلاک جبکہ دو زخمی حالت میں گرفتار کرلیے گئے ۔
ترجمان گھوٹکی پولیس کے مطابق ضلع و موٹروے پولیس اور ڈاکوؤں میں فائرنگ کا تبادلہ ہوا،جس کے نتیجے میں ایک ڈاکو مارا گیا جبکہ دوڈاکوؤں کو زخمی حالت میں گرفتار کرلیا گیا ۔
پولیس کے مطابق ایک ڈاکو فرار ہونے میں کامیاب ہوگیا ، ڈاکو سکھر پولیس کی ناکہ بندی سے فرار ہوئے ، ملزمان سے مختلف اقسام کا خطرناک اسلحہ اور گولیاں برآمد کرلی گئیں ۔
پولیس نے زخمی ڈاکوؤں کو طبی امداد کیلئے ہسپتال منتقل کردیا ۔
