واشنگٹن: (دنیا نیوز) امریکی صدر ڈونلڈ ٹرمپ نے یوکرینی صدر زیلنسکی کو ڈکٹیٹر قرار دےدیا۔
سوشل میڈیا پر جاری بیان میں امریکی صدر ڈونلڈ ٹرمپ نے کہا کہ یوکرین امریکا سے ایسی جنگ میں شامل ہونے کو کہہ رہا ہے جو جیتی نہیں جا سکتی، امریکا یورپ سے 200 بلین ڈالر زیادہ خرچ کر چکا ہے اور امریکا کو کچھ واپس نہیں ملے گا۔
انہوں نے کہا کہ امریکا کے بغیر جنگ بندی معاہدہ نہیں ہوسکتا، سابق امریکی صدر بائیڈن نے کبھی بھی یوکرین میں جنگ بندی کی کوشش نہیں کی، زیلنسکی نے اعتراف کیا کہ ہم نے جو رقم بھیجی ہے اس میں سے نصف غائب ہے۔
امریکی صدر نے کہا کہ زیلنسکی نے انتخابات کرانے سے انکار کر دیا، بہتر ہے یوکرینی صدر تیزی سے آگے بڑھیں ورنہ اس کے پاس کوئی ملک نہیں بچے گا۔
ڈونلڈ ٹرمپ نے مزید کہا کہ روس کے ساتھ جنگ کے خاتمے کے لیے کامیاب مذاکرات جاری ہیں، یورپ امن قائم کرنے میں ناکام رہا، مجھے یوکرین سے محبت ہے اور یوکرین تباہ ہو چکا ہے، لاکھوں لوگ مر چکے ہیں۔
