لاہور: (دنیا نیوز) آئی جی پنجاب ڈاکٹر عثمان انور نے کہا ہے کہ پنجاب بھر میں ہر ایک منٹ میں 200 افراد اپنا آن لائن لرنر لائسنس بنوا رہے ہیں۔
آن لائن لرنر لائسنس سسٹم بارے خصوصی ویڈیو پیغام میں آئی جی پنجاب ڈاکٹر عثمان انور نے کہا کہ شہریوں کے ہجوم کو دیکھتے ہوئے پنجاب پولیس نے گھر پر لرنر لائسنس کے حصول کا آغاز کیا ہے، شہری 60 روپے میں آن لائن اپنا لرنر لائسنس حاصل کر سکتے ہیں۔
— Punjab Police Official (@OfficialDPRPP) December 12, 2023
انہوں نے مزید کہا کہ لائسنس کی آن لائن کے علاوہ پنجاب پولیس کے تمام خدمت مراکز اور پولیس سٹیشنز میں سہولت موجود ہے، پٹرولنگ پولیس، ٹریفک اینڈ ٹریننگ سنٹرز میں بھی لرنر لائسنس بنوائے جا سکتے ہیں۔
