حیدرآباد: (دنیا نیوز) دنیا بھر کی طرح حیدرآباد سمیت پاکستان بھر میں بھی ہندو برادری مذہبی عقیدت واحترام کے ساتھ ہولی کا تہوار منا رہی ہے۔
رنگین تہوار کے موقع پر شہر کے مختلف مندروں پر چراغاں کیا گیا ہے، ہولی کے تہوار کے موقع پر ہندو برادری اپنی مذہبی رسومات ادا کر رہی ہے۔
ہندو برادری کا کہنا ہے کہ ایک دوسرے کو رنگ لگا کر محبت کا پیغام دیا جاتا ہے، ہولی کے تہوار کی خوشیوں کے ساتھ ملک کی سلامتی کے لیے بھی دعائیں کی جا رہی ہیں۔
— PPP (@MediaCellPPP) March 6, 2023
اس موقع پر پاکستان پیپلز پارٹی کے چیئرمین اور وزیر خارجہ بلاول بھٹو زرداری کی جانب سے پاکستان سمیت دنیا بھر میں ہولی منانے والوں کو رنگوں کے تہوار کی مبارک باد پیش کرتے ہوئے تصویر بھی شیئر کی گئی ہے۔
