لاہور: (دنیا نیوز) تحریک انصاف کے رہنما ڈاکٹر شہباز گل نے واضح کیا ہے کہ حکومت نے کرونا وائرس کے خطرات کے پیش نظر کسی شہر یا صوبے کو لاک ڈاؤن کرنے کا فیصلہ نہیں کیا ہے۔
کرونا وائرس سے متعلق اپنے ویڈیو پیغام میں شہباز گل کا کہنا تھا کہ وزیراعظم کرونا وائرس سے متعلق مسلسل اجلاس کر رہے ہیں۔ انہوں نے اشیائے خورونوش کی فراہمی پر خصوصی ہدایت دی ہیں، عوام پریشان ہو کر اضافی خریداری سے اجتناب کریں۔
شہباز گل کا کہنا تھا کہ چین سے مرحلہ وار وینٹی لیٹرز منگوا رہے ہیں۔ عوام کے لیے ماسک سے زیادہ رش والی جگہوں پر نہ جانا ضروری ہے۔ پوری دنیا میں ٹیسٹنگ کٹس کی کمی کا سامنا ہے۔ ٹیسٹ صرف ڈاکٹر کی ہدایت پر ہی کروایا جائے۔
وزیر اعظم کرونا وائرس سے متعلق مسلسل اجلاس کر رہے ہیں۔اشاء خوردونوش کی فراہمی پر خصوصی ہدایت. حکومت نے کسی بھی شہر اور صوبے کو لاک ڈاون کرنے کا فیصلہ نہیں کیا۔ حکومت چائینہ سے وینٹیلیٹرز کا انتظام کر چکی جو کے بہت جلد پاکستان پہنچ جائیں گے
— Dr. Shahbaz GiLL (@SHABAZGIL) March 16, 2020
https://t.co/73qXVb8Aha via @YouTube
