نیویارک : (ویب ڈیسک ) اچھی صحت کیلئے پانی کا وافر مقدار میں استعمال بےحد ضروری ہے لیکن بعض اوقات ہم روزانہ مناسب مقدار میں پانی نہیں پی پاتے، ان تجاویز کے ساتھ روانہ وافر مقدار میں پانی پینا آپ کیلئے بہت آسان ہو جائےگا۔
سینٹرز فار ڈیزیز کنٹرول اینڈ پریوینشن (CDC) کے مطابق ہر صحت مند انسان کیلئے پانی مناسب مقدار میں پینا بہت ضروری ہے کیونکہ پانی کی کمی ڈی ہائیڈریشن ، ٹینشن ، مزاج میں تبدیلی، قبض اور گردوں میں پتھری کا سبب بنتی ہے ۔
اگر آپ کو پانی پینے میں دقت پیش آتی ہے اور آپ اکثر پانی پینا بھول جاتے ہیں تو پانی کی بوتل آپ کے لیے مددگار ثابت ہو سکتی ہے ،اس طرح ہر وقت آپ کے پاس پانی کی بوتل موجود ہوگی اور بہت سارے مقامات پر آپ اپنی بوتل کو دوبارہ بھر سکتے ہیں ، یہ زیادہ پینے کے لیے ایک اچھی یاد دہانی کے طور پر بھی کام کرتا ہے کیونکہ جب بھی آپ بوتل دیکھیں گے، آپ کو تھوڑا سا گھونٹ لینا یاد آئے گا۔
اپنے آپ کو پانی پینے کی یاد دلانے کا دوسرا طریقہ، ایک حقیقی یاد دہانی ترتیب دینا ہے ، آج کل کچھ ایسی خاص ایپس بھی موجود ہیں جو آپ کو اپنے پانی کی مقدار کو ٹریک کرنے میں مدد کرتی ہیں، ہر کچھ گھنٹے کے بعد پانی کا الارم سیٹ کرنے کے بعد آپ پانی پینا نہیں بھولیں گے۔
اگر آپ ہر گھنٹے میں ایک گلاس پانی پیتے ہیں، تو آپ کسی بھی وقت تجویز کردہ روزانہ کی مقدار کو پہنچ جائیں گے۔
اگر آپ اپنے آپ کو ہر کھانے سے پہلے ایک گلاس پانی پینا سکھائیں تو آپ کے پانی کی مقدار بھی بڑھ جائے گی ، اسی طرح اگر آپ اس میں سنیکس بھی شامل کرتے ہیں تو آپ روزانہ کم از کم تین سے چھ گلاس پانی ضرور پیتے ہوں گے۔
اگر آپ پانی کی کمی کو دور کرنے کیلئے مشروبات کا ستعمال کرتے ہیں ، تو یہ مشروبات آپ کیلئے بہترین متبادل ہیں لیکن کوشش کی جائے کہ اعتدال کے ساتھ ان میٹھے مشروبات کو استعمال کیا جائے ۔
اگر آپ کو پانی کا ذائقہ پسند نہیں ہے تو اسے مزید لذیذ بنانے کی کوشش کریں، پھلوں کے انفیوزرز ہیں جنہیں آپ اپنے مشروب کو تھوڑا سا ذائقہ دینے کے لیے استعمال کر سکتے ہیں۔ یا آپ ذائقہ کی کچھ پاؤڈر یا مائع شکلیں استعمال کرسکتے ہیں جو آپ کی پانی کی بوتل میں شامل کی جاسکتی ہیں۔
زیادہ پانی پینے کا دوسرا طریقہ یہ ہے کہ ایسی غذائیں کھائیں جن میں پانی کی مقدار زیادہ ہو، کچھ پھل یا سبزیاں جن میں 90 فیصد سے زیادہ پانی موجود ہوتا ہے مثال کے طور پر خربوزہ ، تربوز وغیرہ اس میں معاون ثابت ہوتا ہے ۔
