کراچی: (دنیا نیوز) کراچی ایئرپورٹ کے جناح ٹرمینل پر اے ایس ایف کی غفلت کے بعد کسٹم انٹیلی جنس نے کارروائی کر کے لاکھوں کی ہیروئن برآمد کر لی۔
دنیا نیوز کے مطابق ایئرپورٹ سیکورٹی فورس کی غفلت کے باعث اے ایس ایف اسکینر نے مسافروں کے سامان کو کلیئر کر دیا جس کے بعد کسٹم انٹیلجنس نے بروقت کارروائی کر کے اسمگلرز گرفتار کر لیے۔
اسمگلرز پی آئی اے کی پرواز 731 سے جدہ جا رہے تھے، اسمگلرز کے قبضے سے 70 لاکھ روپے سے زائد کی ہیروئن برآمد کر لی گئی۔
