لاہور: (ویب ڈیسک) پاکستان جونیئر لیگ (پی جے ایل) میں گوادر شارکس نے مردان واریئرز کو آؤٹ کلاس کرتے ہوئے 77 رنز کے بڑے مارجن سے مات دے دی۔
لاہور کے قذافی سٹیڈیم میں جاری ایونٹ میں مردان واریئرز اور گوادر شارکس کے مابین میچ کھیلا گیا۔
— Pakistan Junior League (@ThePJLofficial) October 16, 2022
گوادر شارکس اننگز
میچ میں پہلے بیٹنگ کرتے ہوئے گوادر شارکس نے مقررہ 20 اوورز میں 9 وکٹ کے نقصان پر 177 رنز بنائے، لک بینکنسٹائن نے 46 گیندوں پر 74 رنز کی جارحانہ اننگز کھیلی، شمائل حسین 23 گیندوں پر 32 سکور بناکر دوسرے نمایاں بیٹرے رہے۔
محمد عرفان نے سب سے زیادہ 3 اور آرچی لینہم نے 2 کھلاڑیوں کو پویلین کی راہ دکھائی۔
مردان واریئرز اننگز
178 رنز ہدف کے تعاقب میں مردان واریئرز کی ٹیم 16 اعشاریہ 3 اوورز میں 9 وکٹ کے نقصان پر 100 رنز ہی بناسکی، برہان نیاز نے 47 اور حسیب خان نے 20 رنز بنائے۔
سعد مسعود نے 6 رنز دیکر 5 جبکہ محمد اسماعیل نے 5 رنز دیکر دو شکار کئے۔
مین آف دی میچ
— Pakistan Junior League (@ThePJLofficial) October 16, 2022
46 گیندوں پر 74 رنز کی شاندار اننگز کھیلنے پر گوادر شارکس کے لک بینکنسٹائن کو میچ کا بہترین کھلاڑی قرار دیا گیا۔
