لاہور: (ویب ڈیسک) پاکستان جونیئر لیگ (پی جے ایل) کے دوسرے میچ میں بہاولپور رائلز نے حیدر آباد ہنٹرز کو 8 وکٹ سے شکست دے دی۔
لاہور کے قذافی سٹیڈیم میں پاکستان جونیئر لیگ کا ایونٹ جاری ہے جس میں آج دوسرا میچ بہاولپور رائلز اور حیدر آباد ہنٹرز کے مابین کھیلا گیا۔
— Pakistan Junior League (@ThePJLofficial) October 7, 2022
حیدر آباد ہنٹرز اننگز
حیدر آباد ہنٹرز نے پہلے کھیلتے ہوئے 18 اعشاریہ 3 اوورز میں 113 رنز بنائے اور پوری ٹیم پویلین لوٹ گئی، سعد بیگ نے سب سے زیادہ 24 گیندوں پر 34 رنز کی اننگز کھیلی جبکہ منیب واصف 26 گیندوں پر 26 سکور بناکر دوسرے نمایاں بیٹر رہے۔ ارحم نواب اور سجاد علی نے 3،3 کھلاڑیوں کو آؤٹ کیا۔
بہاولپور رائلز اننگز
114 رنز کا ہدف بہاولپور رائلز نے 2 وکٹ کے نقصان پر 117 رنز بناکر حاصل کرلیا، باسط علی نے 30 گیندوں پر 54 رنز کی زبردست اننگز کھیلی جبکہ عبید شاہد 26 گیندوں پر 32 رنز بناکر ناقابل شکست رہے، حسیب الرحمان اور محمد زبیر نے 1،1 وکٹ اپنے نام کی۔
مین آف دی میچ
— Pakistan Junior League (@ThePJLofficial) October 7, 2022
فاتح ٹیم کے ارحم نواب کو میچ کا بہترین کھلاڑی قرار دیا گیا۔
