لاہور:(ویب ڈیسک) پاکستان جونیئر لیگ (پی جے ایل) میں گوادر شارکس اور راولپنڈی ریڈرز نے اپنے اپنے میچ جیت لیے۔
لاہور کے قذافی سٹیڈیم میں کھیلے گئے پہلے میچ میں گوادر شارکس نے حیدر آباد ہنٹرز کو 5 وکٹ سے شکست دی۔
183 رنز کا ہدف فاتح ٹیم نے آخری گیند پر 5 وکٹ کے نقصان پر 186 رنز بناکر حاصل کرلیا، شمائل حسین نے 87 رنز کی شاندار اننگز کھیلی، عرفات منہاس نے 40 سکور بنائے۔
— Pakistan Junior League (@ThePJLofficial) October 9, 2022
قبل ازیں حیدر آباد ہنٹرز نے 5 وکٹ کے نقصان پر 182 رنز بنائے تھے، سعد بیگ نے 64 اور ارباز خان نے 61 رنز بنائے۔
دوسرے میچ میں راولپنڈی ریڈرز نے بھی 5 وکٹ سے فتح اپنے نام کی۔
مردان واریئرز کا 132 رنز کا ہدف فاتح ٹیم نے 5 وکٹ کے نقصان پر 134 رنز بناکر حاصل کرلیا، چارلی ٹیئرز 34 اور افنان 21 رنز بناکر ناقابل شکست رہے۔
— Pakistan Junior League (@ThePJLofficial) October 9, 2022
اس سے قبل مردان واریئرز نے پہلے کھیلتے ہوئے 8 وکٹ کے نقصان پر 131 رنز بنائے تھے، آرچی لینہم 31 رنز بناکر ناٹ آؤٹ رہے جبکہ شاہ زیب خان نے 27 رنز کی اننگز کھیلی۔
