لاہور: (ویب ڈیسک) پاکستان جونیئر لیگ (پی جے ایل) میں گوادر شارکس نے گوجرانوالہ جائنٹس کو 44 رنز سے زیر کر لیا۔
لاہور کے قذافی سٹیڈیم میں جاری ایونٹ کے میچ میں گوادر شارکس اور گوجرانوالہ جائنٹس کے مابین میچ کھیلا گیا۔
— Pakistan Junior League (@ThePJLofficial) October 12, 2022
گوادر شارکس اننگز
فاتح ٹیم نے پہلے کھیلتے ہوئے مقررہ 20 اوورز میں 131 رنز بنائے، عرفات منہاس نے 30 گیندوں پر 37 اور لک بینکینسٹائن نے 20 گیندوں پر 26 رنز بنائے، محمد ابتسام اور حسن علی جونیئر نے 2،2 وکٹ حاصل کیں۔
گوجرانوالہ جائنٹس اننگز
132 رنز ہدف کے تعاقب میں گوجرانوالہ کی 15 اعشاریہ 4 اوورز میں صرف 87 رنز پر ڈھیر ہوگئی، شیون ڈینئیل نے 28 اور میتھیو ٹرامپ نے 14 سکور بنائے، عرفان منہاس نے 13 رنز کے عوض 4 جبکہ مومن قمر نے 21 رنز دیکر 2 کھلاڑیوں کو پویلین کی راہ دکھائی۔
مین آف دی میچ
— Pakistan Junior League (@ThePJLofficial) October 12, 2022
میچ میں 37 رنز اور 13 رنز کے عوض شاندار آل راؤنڈ کارکردگی کا مظاہرہ کرتے ہوئے 4 وکٹ لینے پر عرفات منہاس کو بہترین کھلاڑی کا ایوارڈ دیا گیا۔
