لاہور: (ویب ڈیسک) پاکستان جونیئر لیگ (پی جے ایل) سے نیا ٹیلنٹ سامنے آنے لگا، پہلے ہی میچ میں اپنے خطرناک اور تیز یارکرز کی بدولت سب کی توجہ کا مرکز بننے والے مردان کے ایمل خان نے دھوم مچا دی۔
خیال رہے کہ پاکستان جونیئر لیگ کا آغاز گزشتہ روز ہوا، ٹورنامنٹ کا پہلا میچ گوجرانوالہ جائنٹس اور مردان واریئرز کے درمیان قذافی سٹیڈیم لاہور میں کھیلا گیا، مردان واریئرز نے کامیابی حاصل کرتے ہوئے جائنٹس کو باآسانی آٹھ وکٹوں سے شکست دی۔
— Pakistan Junior League (@ThePJLofficial) October 6, 2022
اس میچ کی خاص بات مردان کے تیز گیند باز ایمل خان نے اپنی ڈیتھ باؤلنگ کی صلاحیت سے سب کو متاثر کیا کیونکہ انہوں نے ایک بہترین سوئنگ یارکر کے ذریعے مخالف بلے باز کو پویلین واپس بھیجا، دائیں ہاتھ کے تیز گیند باز اپنی ٹیم کے لئے سب سے زیادہ کارکردگی کا مظاہرہ کرنے والے بنے کیونکہ انہوں نے 3 وکٹیں حاصل کیں اور اپنے چار اوور میں صرف 15 رنز دیے۔
— Pakistan Junior League (@ThePJLofficial) October 6, 2022
ایمل نے مسلسل 85 میل فی گھنٹہ کی رفتار سے لائن اور لینتھ کے ساتھ بہت عمدہ باؤلنگ کی، انہوں نے مخالف ٹیم کے کپتان عزیر ممتاز کی وکٹ بھی حاصل کی جو اپنے 54 رنز بنا کر اچھا کھیل رہے تھے لیکن وہ ایمل کی جانب سے یارکر کے ذریعے کلین بولڈ ہوگئے۔
جیسا کہ اوپر ذکر کیا گیا ہے جائنٹس میچ جیتنے میں ناکام رہے کیونکہ انہوں نے 7 وکٹ کے نقصان پر 131 رنز بنائے، جس کا تعاقب مردان واریئرز نے صرف 16.5 اوورز میں 8 وکٹوں کے نقصان پر کر لیا۔
