نیو یارک: (ویب ڈیسک) امریکا میں ایک ویڈیو وائرل ہو رہی ہے جس میں ایک والد نے اپنی جان خطرے میں ڈال کر 18 سالہ بیٹے کو بپھرے ہوئے بیل سے بچالیا۔
ماں باپ کی اولاد سے محبت کا کوئی مقابلہ نہیں اور یہی وجہ ہے کہ والدین اولاد پر آنے والی مصیبت خود پر لینے کے لیے تیار رہتے ہیں۔
حال ہی میں اس کی ایک مثال ٹیکساس میں دیکھنے کو ملی جہاں پیش آنے والے واقعے کی ویڈیو ان دنوں سوشل میڈیا پر وائرل ہے۔
ویڈیو میں دیکھا جاسکتا ہے کہ مقابلے کے دوران ایک والد نے اپنی جان خطرے میں ڈال کر 18 سالہ بیٹے کو بپھرے ہوئے بیل سے بچالیا۔
.jpg)
سوشل میڈیا پر ایک امریکی کاؤبوائے کوڈی ہکس کی جانب سے اپنے مقابلے کی ایک ویڈیو شیئر کی گئی جس میں دیکھا گیا کہ بیل پر چڑھے کوڈی ہکس رنگ میں داخل ہوتے ہی گرپڑے اور بپھرا بیل رنگ میں گھومنے لگا، بیل کو قابو کرنے کے لیے جہاں ہینڈلر رنگ میں کودے وہیں کوڈی کے والد بیٹے کو اس بیل سے بچانے کے لیے ان پر لیٹ گئے۔
بعد ازاں ویڈیو میں کوڈی کے والد پر بیل کو حملہ کرتے بھی دیکھا گیا لیکن اس دوران کوڈی کے والد اپنے بیٹے کی زندگی بچانے میں کامیاب ہوگئے۔
