لاہور: (دنیا نیوز) بچوں کی ذہنی بیماری ’’آٹزم ‘‘سے آگاہی کا عالمی دن منایا گیا۔
آٹزم ایک ایسی بیماری ہے جو متاثرہ شخص کی زندگی کا عمر بھر پیچھا کرتی ہے، اس بیماری میں مبتلا لوگ خیالی دنیا میں رہتے ہیں، بول چال میں مشکل محسوس کرتے ہیں اور اپنے خیالات کو بیان نہیں کر سکتے۔
اس دن کو منائے جانے کا مقصد عالمی سطح پر عوام کو بچوں کی ذہنی صحت کیلئے بیماری کے بارے میں آگاہی فراہم کرنا ہے۔
ماہرین کا کہنا ہے کہ ایک صحت مند بچہ 3 برس کی عمر کے بعد اپنے ماں باپ سمیت قریبی لوگوں سے سماجی بندھن باندھنے کا اہل ہو جاتا ہے لیکن آٹزم میں مبتلا بچہ ایسا کرنے میں ناکام رہتا ہے، وہ اپنی خیالی دنیا میں گم ہو کر رہ جاتا ہے اور اسے بیرونی دنیا سے کوئی سروکار نہیں ہوتا، بدقسمتی سے ابھی تک آٹزم کا کوئی علاج دریافت نہیں ہو سکا۔
ماہرین صحت کا کہنا ہے کہ سپیچ تھراپی، مناسب دیکھ بھال اور پیار محبت سے اس مرض پر قابو پایا جا سکتا ہے۔
