لاہور: (ویب ڈسک) بھارت میں دلہن نے اپنی شادی میں ڈھول کی تھاپ پر دلہے کے ساتھ ایسا بھنگڑا ڈالا کہ ویڈیو سوشل میڈیا پر ویڈیو وائرل ہو گئی۔
تفصیلات کے مطابق پاکستان اور بھارت جیسے ممالک میں دلہنیں عموماً لجائی اور شرمائی نظر آتی ہیں مگر گزشتہ دنوں بھارت میں ایک دلہن نے اپنی شادی میں ڈھول کی تھاپ پر ایسا بھنگڑا ڈالا کہ ویڈیو انٹرنیٹ پر وائرل ہو گئی۔
انڈیا ڈاٹ کام کے مطابق دلہن کا نام آیوشی بتایا گیا ہے جو ویڈیو میں اپنے دلہا کے ساتھ ڈھول کی تھاپ پرپرجوش انداز میں بھنگڑا ڈال رہی ہوتی ہے۔
آیوشی نے عروسی لہنگا پہن رکھا ہوتا ہے اور پوری سج دھج کے ساتھ تیار ہونے کے بعد ڈھول کے آگے اس طرح ناچ رہی ہوتی ہے کہ کوئی دولہا بھی ایسی ہمت نہ کرپائے۔
یہ ویڈیو ipglitzنامی انسٹاگرام اکاﺅنٹ پر پوسٹ کی گئی ہے جسے اب تک 20لاکھ سے زائد لوگ دیکھ چکے ہیں۔ آیوشی نے بھی یہ ویڈیو اپنے انسٹاگرام اکاﺅنٹ پر پوسٹ کی ہے جہاں اس نے کیپشن میں لکھا ہے کہ میں کوئی شرمیلی دلہن نہیں ہوں۔میں ہمیشہ سے اپنی بارات خود لے کر جانا چاہتی تھی۔
