لاہور : ( ویب ڈیسک ) پہلی رمضان المبارک سپورٹس سیریز 2023ء میں لاہور ڈویژن نے شاندار کارکردگی کا مظاہرہ کرتے ہوئے ایونٹ کے چوتھے روز ہاکی، ٹیبل ٹینس ویمنز اور ٹینس مینز کے ٹائٹلز اپنے نام کر لئے۔
ہاکی چیمپئن شپ کے فائنل میں لاہور نے فیصل آباد ڈویژن کو پنلٹی شوٹ آؤٹ پر 4-3 سے شکست دے کر ایونٹ کا ٹائٹل اپنے نام کیا، فاتح ٹیم کو 25 لاکھ اور رنر اپ ٹیم فیصل آباد کو 15 لاکھ روپے کے نقد انعامات سے نوازا گیا۔
Congratulations Lahore Division on becoming @parkviewcitylhr Punjab Hockey Championship 2023 title holders. Hard luck Faisalabad Gladiators. I’m happy that our dream of hockey revival in Pakistan is supported and appreciated by the entire nation #HunAwegaMaza pic.twitter.com/KOwW2ZEixI
— Wahab Riaz (@WahabViki) April 11, 2023
ٹیبل ٹینس ویمنز سنگلز کا ٹائٹل بھی لاہور ڈویژن نے جیتا، ایونٹ کے فائنل میں لاہور کی کلثوم خان نے لاہور ہی کی پرنیا خان کو 3-1 سے ہرا کر ٹائٹل اپنے نام کیا۔
ٹینس مینز سنگلز کا ٹائٹل بھی لاہور ڈویژن نے اپنے نام کیا، ایونٹ کے فائنل میں عاصم قریشی نے فیصل آباد کے حفیظ الرحمن کو 3-2 سے مات دے کر ٹائٹل کا حصول یقینی بنایا۔
