اسلام آباد: (ویب ڈیسک) وفاقی وزیر برائے نیشنل ہیلتھ سروسز ریگولیشن اینڈ کوآرڈی نیشن عبد القادر پٹیل نے کہا ہے کہ پولیو ورکرز نے مشکل وقت میں اپنی ڈیوٹی سے بڑھ کر پاکستان کی خدمت کی۔
سماجی رابطے کی ویب سائٹ ٹوئٹر پر اپنے پیغام میں عبدالقادر پٹیل نے کہا کہ میں اپنے پولیو ورکرز کا بے حد مشکور ہوں جنہوں نے مشکل وقت میں اپنی ڈیوٹی سے بڑھ کر پاکستان کی خدمت کی اور سیلاب سے متاثرین کی بحالی میں بھی پولیو ورکرز کا کردار اہم ہے۔
