اسلام آباد: (دنیا نیوز) فرخ حبیب نے کہا ہے کہ شریف خاندان تین سال سے کیس کو چلنے نہیں دے رہا، التوا کے پیچھے چھپنا ان کا وتیرہ رہا ہے، اب تو ان کے وکیل بھی بیمار ہونے لگے ہیں، نون لیگ عوام کو مزید گمراہ نہیں کرسکتی، تاخیری حربوں کا ڈھونگ اب ختم ہونا چاہیے۔
وزیر مملکت اطلاعات فرخ حبیب نے میڈیا سے گفتگو کرتے ہوئے کہا کہ ہتھکنڈوں کے پیچھے چھپنا شریف خاندان کا پرانا طریقہ ہے، شریف خاندان کے ڈھونگ کا سلسلہ بند ہونا چاہیئے، حدیبیہ پیپر ملز کیس بھی التوا کے ذریعے خارج کرایا گیا، یہ ہمیشہ کوشش کرتے ہیں ان کے کیسز میں تاخیر ہو، چیلنج ہے مریم نواز روزانہ کی بنیاد پر سماعت کا کہیں، شریف خاندان سے جب بھی کرپشن پر سوال ہوتا ہے یہ بیمار ہو جاتے ہیں۔
What a drama! First lied on last hearing (1 Sept) that lawyer is on general adjournment whereas same lawyer appeared in AC Lahore on 31 August, today she fires the lawyer. Delaying tactics n misleading court, wht will it achieve? Courts must not allow delaying tactics
— Mirza Shahzad Akbar (@ShazadAkbar) September 8, 2021
دوسری جانب مشیر داخلہ شہزاد اکبر نے سماجی رابطے کی ویب سائٹ پر ٹویٹ کرتے ہوئے کہا کہ عدالتوں کو تاخیری حربوں کی اجازت نہیں دینی چاہیے، تاخیری حربوں سے عدالت کی کیس سے توجہ ہٹائی جا رہی ہے، یکم ستمبر کو ہونیوالی سماعت پر مریم نواز کے وکیل دستیاب نہیں تھے، 31 اگست کو مریم نواز کے وہی وکیل احتساب عدالت میں پیش ہوئے، آج اسلام آباد ہائیکورٹ میں سماعت کے موقع پر مریم نواز نے مقدمے سے وکیل کو ہٖٹا دیا۔
