راولپنڈی: (دنیا نیوز) امن دشمنوں کی جانب سے ایک بار پھر چھپ کر وار کیا گیا۔ پسنی کے قریب سکیورٹی فورسز کی گاڑی کو بارودی سرنگ کے ذریعے نشانہ بنایا گیا، پاک فوج کے ایک کیپٹن اور سپاہی شہید ہوگئے۔
مسلح افواج کے شعبہ تعلقات عامہ کے مطابق دہشتگردوں نے پسنی کے قریب خدا بخش بازار میں سیکورٹی فورسز کو نشانہ بنایا، علاقے میں سرچ آپریشن جاری ہے، دشمن انٹیلی جنس ایجنسیوں کی ایما پر شرپسند عناصر بزدلانہ کارروائیاں کر رہے ہیں، بزدلانہ حملے بلوچستان کے امن کو سبوتاژ نہیں کرسکتے، سیکورٹی فورسز امن کے خلاف ایسی مذموم کارروائیوں کو ناکام بنانے کیلئے پر عزم ہیں۔
