اسلام آباد: (دنیا نیوز) پاکستان نے شنگھائی تعاون تنظیم کے وزرائے خارجہ اجلاس شرکت کی یقین دہانی کروا دی، وزیر خارجہ شاہ محمود ایس سی او وزرائے خارجہ کے ورچوئل اجلاس میں شریک ہوں گے۔
ترجمان دفتر خارجہ نے بتایا کہ شنگھائی تعاون تنظیم رکن ممالک کے وزرائےخارجہ اجلاس میں کورونا وائرس کی صورتحال زیرغور آئے گی، اجلاس کا مقصد کورونا وباء کے خلاف تنظیم کے رکن ممالک کے مابین اظہار یک جہتی کو بڑھانا ہے اور شنگھائی تعاون تنظیم کی سطح پر کورونا وباء کیخلاف مشترکہ کوششیں کرنا ہے۔
واضح رہے شنگھائی تعاون تنظیم ایک سیاسی، اقتصادی اور عسکری تعاون تنظیم ہے جس میں پاکستان کو باضابطہ طور پر 2017 میں بطور رکن شامل کیا گیا۔
