کراچی: (دنیا نیوز) سندھ بھر میں رواں سال جنوری سے 28 اپریل تک ملیریا کے 28 ہزار 2 کیسز رپورٹ ہو چکے ہیں۔
محکمۂ صحت کے مطابق جنوری سے 28 اپریل تک کراچی سے ملیریا کے 234 کیسز رپورٹ ہوئے جن میں ضلع جنوبی سے 87، ضلع ملیر سے 80 اور ضلع غربی سے 37 کیسز سامنے آئے۔
صوبائی محکمۂ صحت کے مطابق حیدرآباد ڈویژن سے ملیریا کے 10 ہزار 301 کیسز، سکھر ڈویژن سے ملیریا کے 2 ہزار 532 کیسز، لاڑکانہ ڈویژن سے ملیریا کے 9 ہزار 592 کیسز، میرپورخاص ڈویژن سے ایک ہزار 834 اور شہید بینظیرآباد ڈویژن سے ملیریا کے 3 ہزار 509 کیسز رپورٹ ہوئے ہیں۔
محکمۂ صحت نے بتایا ہے کہ رواں سال سندھ سے دماغی ملیریا کا بھی ایک کیس سامنے آیا ہے، دماغی ملیریا کے مریض کا تعلق حیدرآباد سے ہے جو صحتیاب ہو چکا ہے۔
