لاہور: ( ویب ڈیسک ) معروف بالی ووڈ اداکارہ رمبھا کی کار کو کینیڈا کے صوبے اونٹاریو میں میں حادثہ پیش آیا جس میں وہ بچوں سمیت زخمی ہوگئیں جبکہ ان کی چھوٹی بیٹی ساشا کو زخمی ہونے کے بعد ہسپتال داخل کرادیا گیا۔
بھارتی میڈیا رپورٹس کے مطابق اداکارہ رمبھا کو حال ہی میں اس وقت کار حادثہ پیش آیا جب وہ کینیڈا میں اپنے بچوں کو سکول سے لینے کے بعد گھر واپس آرہی تھیں، اگرچہ سبھی معمولی زخمی ہونے کے ساتھ اس حادثے میں بچ گئے، لیکن چھوٹی بیٹی ساشا کو ہسپتال میں داخل کرایا گیا ہے۔
46 سالہ اداکارہ نے اسی کے بارے میں انسٹاگرام پر شیئر کیا اور یہاں تک کہ اپنے مداحوں سے کہا کہ وہ بیٹی کے لیے دعا کریں۔
رمبھا نے اپنی تباہ شدہ کار کی تصویر پوسٹ کی جسے ایک چوراہے پر دوسری کار نے ٹکر ماری جبکہ ہسپتال کے بستر پر اپنی بیٹی کی تصویر بھی شیئر کی۔
تصویریں شیئر کرتے ہوئے اداکارہ نے لکھا کہ ہماری کار کو سکول سے بچوں کو لینے سے واپسی کے راستے پر ایک اور کار نے ٹکر مار دی۔
خیال رہے کہ رمبھا کی شادی 2010 میں بھارتی نژاد کینیڈین بزنس مین سے ہوئی تھی اور وہ کینیڈا میں مقیم ہیں۔
اداکارہ رمبھا بالی وڈ فلم جڑوا، بندھن، کیونکہ میں جھوٹ نہیں بولتا سمیت کئی فلموں میں اداکاری کرچکی ہیں۔
