شوبز ستاروں کے قوم کو جشن آزادی کے پیغامات

لاہور: (ویب ڈیسک) دنیا بھر میں موجود پاکستانی یوم آزادی کا دن انتہائی جوش خروش سے منایا جا رہا ہے جبکہ شوبز ستارے بھی کسی سے پیچھے نہیں رہے۔ فلم، ٹی وی اور موسیقی سے وابستہ کئی ستاروں نے اپنے مداحوں کو سوشل میڈیا کے ذریعے جشن آزادی کے پیغامات بھیجے اور اپنی تصاویر شیئر کیں۔کچھ سٹارز نے اپنے آزادی کے پیغامات کو نہایت مختصر رکھا۔

اداکارہ مروا حسین نے اپنے انسٹا گرام پر ایک ویڈیو شیئر کی جس میں انہوں نے سفید رنگ شرٹس پہنی ہوئی ہے اور اس پر پاکستانی جھنڈا کا لوگو نظر آ رہا ہے۔

اپنے ایک پیغام میں ان کا کہنا تھا کہ جیوے پاکستان، قوم کو 72 واں یوم آزادی مبارک ہو، مجھے اپنے ملک سے پیار ہے۔

اداکار عمران اشرف نے اپنے انسٹاگرام اکانٹ پر پاکستانی پرچم کی تصویر شیئر کرتے ہوئے مداحوں کو یوم آزادی کی مبارکباد پیش کی۔

اداکارہ عائشہ عمر نے بھی دنیا بھر میں موجود پاکستانیوں کو یوم آزادی کی مبارکباد ایک ویڈیو کے ذریعے دی جبکہ انہوں نے اس امید کا اظہار بھی کیا کہ ایک دن وہ کشمیریوں کو بھی یوم آزادی کی مبارکباد کا پیغام دیں سکیں گی۔

ماہرہ خان نے بھی مداحوں کو 14 اگست کی مبارکباد دی۔انہوں نے اپنی ٹوئٹ میں معروف ملی نغمے کے بول شیئر کیے،  سوہنی دھرتی اللہ رکھے قدم قدم آباد تجھے۔

Sohni dharti, Allah rakhay.. qadam qadam aabad tujhe. Ameen. Indebted to my motherland always #PakistanZindabad #IndependenceDay pic.twitter.com/gjVVfncamO

— Mahira Khan (@TheMahiraKhan) August 14, 2019

شان شاہد نے مداحوں کو مبارکباد دیتے ہوئے خود سے وعدہ کیا کہ وہ ہمیشہ اپنے وطن کی حفاظت کریں گے اور اس کے لیے کسی بھی قسم کی قربانی دینے سے دریغ نہیں کریں گے۔

#independenceday Pakistan..our promise land ..I ShaanShahid hereby take an oath to always love , care , protect, honour , build &sacrifice, for my motherland. I will standby Pakistan no matter the consequences , will serve it till my last breath.. so help me ALLAH.

— Shaan Shahid (@mshaanshahid) August 14, 2019

اداکار اظفر رحمن نے بھی پاکستانی پرچم کی تصویر شیئر کرتے ہوئے لکھا کہ انہیں امید ہے کہ پاکستانی ہمیشہ ایک مضبوط دیوار کی طرح ایک ساتھ کھڑے رہیں گے۔

ہمایوں سعید نے دعا کی کہ خدا ہمارے پیارے پاکستان کی ہمیشہ حفاظت کرے۔

May Allah always protect our beautiful Pakistan! It is our home, it is our pride and no one but us can lead it towards prosperity with our unity, faith and discipline! Pakistan Zindabad!! pic.twitter.com/SYEzCYHD5U

— Humayun Saeed (@iamhumayunsaeed) August 13, 2019

فیصل قریشی نے ٹوئٹر پر ایک ٹوئٹ کے ذریعے مداحوں کو جشن آزادی مبارک کا پیغام دیا۔

محب مرزا نے اپنی ایک تصویر شیئر کرنے کے ساتھ انسٹاگرام پر ہیش ٹیگز کے ذریعے یوم آزادی کی مبارکباد مداحوں کو دی۔

گلوکار عمیر جسوال نے دعا کی کہ ہمارا پیارا وطن جگ جگ جیئے۔