ممبئی: (روزنامہ دنیا) قوم کی خدمت کرنا خواب، فلمی اور سیاسی کیریئر کو ساتھ لیکر چلنا ممکن نہیں ہے۔
نامور بالی ووڈ اداکارہ کنگنا رناوت نے کہا ہے کہ اگر وہ سیاست میں آئیں تو نہ ہی شادی کریں گی اور نہ فیملی بنائیں گی۔ اداکارہ کنگنا رناوت نے سیاست میں آنے کا اشارہ دیتے ہوئے کہا ہے کہ وہ فلموں کو لے کر سنجیدہ ہیں لیکن اگر زندگی کے کسی موڑ پر سیاست میں شمولیت کا موقع ملا تو وہ اس پر سوچیں گی۔
کنگنا نے مزید کہا کہ اپنی قوم کی خدمت کرنا ان کا خواب ہے، تاہم فلمی اور سیاسی کیریئر کو ساتھ لے کر چلنا ممکن نہیں، آپ کو اپنے ملک کی خدمت کرنے کے لیے قیمت چکانی پڑتی ہے۔ لہٰذا اگر میں نے سیاست میں آنے کا فیصلہ کیا تو یہ کام مکمل توجہ اور وقار کے ساتھ کروں گی۔
اداکارہ کا کہنا تھا کہ اگر میں ملک وقوم کی خدمت کرنے کے لیے سیاست میں آئی تو نہ ہی میری فیملی اور بچے ہوں گے اور نہ کوئی اور کیریئر اپناؤں گی، کیونکہ ایک سیاستدان حکومتی خدمت گار کے علاوہ اور کچھ نہیں ہوتا۔
