کراچی: (دنیا نیوز) اینٹی نارکوٹکس فورس (اے این ایف) نے 7 مختلف کارروائیوں میں بھاری مقدار میں منشیات برآمد کر کے 12 ملزمان گرفتار کر لئے۔
ترجمان اے این ایف کے مطابق کارروائیاں سیالکوٹ، لاہور، پشین، کراچی، سکھر اور پشاور میں کی گئیں۔
حکام کا کہنا ہے کہ کارروائیوں کے دوران 685 کلو گرام منشیات برآمد کر لی گئی، پکڑی گئی منشیات میں 612 کلو افیون، 62 کلو چرس، 9.6 کلو ہیروئن، ایک کلو310 گرام آئس جبکہ 100 گرام نشہ آور گولیاں شامل ہیں۔
ترجمان کے مطابق ملزمان نے تعلیمی اداروں کے طلباء کو منشیات فروخت کرنے کا اعتراف کیا ہے، گرفتار ملزمان کیخلاف انسداد منشیات ایکٹ کے تحت مقدمات درج کر لئے گئے ہیں۔
