کراچی: (ویب ڈیسک) رینجرز اور پولیس نے مشترکہ کارروائی کرتے ہوئے عزیر بلوچ کے بھائی کو حراست میں لے لیا۔
رینجرز اور پولیس نے لیاری میں چھاپہ مار کارروائی کے دوران لیاری گینگ وار کے سرغنہ عزیر جان بلوچ کے بھائی زبیر کو گرفتار کرکے ایس ایم جی اور دستی بم برآمد کرلیا۔
پولیس حکام نے نے بتایا کہ پولیس نے رینجرز کی مدد سے ملزم زبیر کو لیاری کے علاقے سنگولین سے گرفتار کیا، ملزم حال ہی میں جیل سے رہا ہوا تھا جو کہ بھتہ خوری کا نیٹ ورک فعال کر رہا تھا جبکہ ملزم جیل میں بیٹھ کر بھی بھتے کا نیٹ ورک چلا رہا تھا۔
انہوں نے بتایا کہ پولیس نے ملزم کی نشاندہی پر ایک گودام پر چھاپہ مار کر ایس ایم جی اور دستی بم برآمد کرلیا، پولیس نے ملزم کے خلاف انسداد دہشت گردی کی دفعہ سمیت دیگر دفعات کے تحت 2 مقدمات درج کرلئے۔
