کراچی : پولیس کی کارروائی، واردارتوں میں ملوث 2 ملزمان گرفتار

Last Updated On 23 September,2018 06:26 pm

کراچی: (دنیا نیوز) صوبائی دارالحکومت کے علاقے کورنگی مارکیٹ کے قریب پولیس نے کارروائی کرتے ہوئے دو موٹرسائیکل چوروں کو گرفتار کر لیا۔ ملزمان سے چوری کی موٹر سائیکلیں اور اسلحہ برآمد کیا گیا۔

اسٹریٹ کرمنلز کیخلاف پولیس کی تابڑ توڑ کارروائیاں جاری ہیں۔ کراچی کے علاقے کورنگی میں پولیس نے دو موٹرسائیکل چوروں کو گرفتار کرلیا۔ گرفتار ملزمان میں شاہ رخ اور عثمان شامل ہیں۔ ملزمان چوری کی موٹرسائیکلوں کے پارٹس نکال کر مارکیٹ میں فروخت کرتے تھے۔ پولیس کے مطابق ملزمان کے خلاف مقدمہ درج کر لیا گیا ہے جبکہ مزید تفتیش جاری ہے۔