لاہور: (ویب ڈیسک) پاکستان کرکٹ بورڈ (پی سی بی) کی منیجمنٹ کمیٹی کے چیئرمین نجم سیٹھی کی زیرصدارت اجلاس ہوا جس میں 19 ڈپارٹمنٹس نے ڈومیسٹک سیزن 24-2023 میں شرکت کی تصدیق کردی۔
اجلاس میں پی سی بی منیجمنٹ کمیٹی نے یوتھ کرکٹ ٹورز کی منظوری بھی دے دی، پاکستان انڈر 19 کرکٹ ٹیم مئی میں بنگلہ دیش کا دورہ کرے گی، دورے میں ایک چار روزہ، پانچ ون ڈےاور ایک ٹی 20 میچ شامل ہے۔
اس کے علاوہ پاکستان شاہینز کی ٹیم زمبابوےکا دورہ کرے گی، دورے میں چار روزہ اور ون ڈے میچز کی سیریز ہو گی، اے سی سی ایمرجنگ کپ جون، جولائی میں سری لنکا میں شیڈول ہے۔
پی سی بی منیجمنٹ کمیٹی نے پاکستان سپر لیگ 8 کی کامیابی کو سراہا ہے، اجلاس میں بھارت میں شیڈول آئی سی سی کرکٹ ورلڈ کپ میں شرکت سے متعلق بھی گفتگو ہوئی اور پاکستان میں شیڈول ایشیا کپ سے متعلق بھی مختلف پہلوؤں پر بات چیت ہوئی۔
