لاہور : ( ویب ڈیسک ) پاکستان کرکٹ ٹیم کے آل راؤنڈر سہیل تنویر نے انٹرنیشنل کرکٹ سے ریٹائرمنٹ کا اعلان کردیا۔
سماجی رابطے کی ویب سائٹ ٹوئٹر پر اپنے ایک پیغام میں سہیل تنویر نے اپنی ریٹائرمنٹ کا اعلان کرتے ہوئے کہا کہ وہ تمام طرز کی بین الاقوامی کرکٹ سے ریٹائر ہورہے ہیں تاہم ڈومیسٹک اور فرنچائز کرکٹ کھیلتے رہیں گے۔
آل راؤنڈر نے اپنے پیغام میں قومی کرکٹ ٹیم میں موقع دینے پر پاکستان کرکٹ بورڈ (پی سی بی) کا شکریہ بھی ادا کیا۔
Announcement: I am retiring from all formats of international cricket and will continue to play domestic and franchise cricket going forward. Thank you to @TheRealPCB for giving me the opportunity to play for my country
— Sohail Tanveer (@sohailmalik614) March 6, 2023
یاد رہے کہ سہیل تنویر نے پاکستان کی طرف سے 62 ون ڈے، 57 ٹی ٹوئنٹی اور 2 ٹیسٹ میچز کھیلے ہیں۔
