ریاض: (ویب ڈیسک) سعودی عرب میں سی سی ٹی وی کیمروں کی ریکارڈنگ کو پبلک کرنا خلاف قانون قرار دے دیا گیا۔
سعودی وزارت داخلہ نے سکیورٹی کیمروں کے قانون کی خلاف ورزی پر سخت سزاؤں کا اعلان کیا ہے، جس کے تحت سی سی ٹی وی کیمروں کی ریکارڈنگ کو پبلک کرنے والوں پر 20 ہزار ریال (تقریباً پاکستانی 15 لاکھ روپے) جرمانہ عائد کیا جائے گا۔
سعودی وزارت داخلہ نے مزید کہا ہے کہ سکیورٹی کیمرہ سسٹم یا ان کی ریکارڈنگ کو نقصان پہنچانا یا کسی بھی قسم کی چھیڑ چھاڑ پر بھی سخت سزائیں ہوں گی، جن مقامات پر کیمروں کی تنصیب ممنوع ہے وہاں خلاف ورزی پر 10 ہزار ریال جرمانہ عائد ہو گا۔
دوسری جانب عرب میڈیا کا کہنا ہے کہ سی سی ٹی وی کیمروں کی ریکارڈنگ کے حوالے سے قوانین سخت کرنے کا مقصد اس بات کو یقینی بنانے کی وسیع تر کوشش کا حصہ ہے کہ پرائیویسی اور سکیورٹی کے اصولوں پر عمل درآمد یقینی بنایا جائے۔
