لندن: (دنیا نیوز) امریکی صدر ڈونلڈ ٹرمپ تین روزہ دورے پر برطانیہ پہنچ گئے، میلانیا ٹرمپ بھی ہمراہ ہیں۔ ادھر امریکی صدر کے دورہ برطانیہ میں لندن والوں نے احتجاج کے لیے کمر کس لی۔
امریکی صدر ڈونلڈ ٹرمپ برطانیہ کےدورے کے دوران شاہی خاندان سے ملاقات کریں گے، وہ برطانوی حکام سے ملاقاتوں میں ماحولیاتی تبدیلی، چین اور وزیراعظم ٹریزامے کے متعلق بات چیت کریں گے۔
امریکی صدر کے دورے کے خلاف لندن، مانچسٹر، بیلفاسٹ اور برمنگھم میں شہریوں نے احتجاج کا اعلان کیا ہے۔
