نئی دہلی: (ویب ڈیسک) کہا جاتا ہے کہ محبت اور جنگ میں سب کچھ جائز ہوتا ہے اس پر عمل کرتے ہوئے لڑکی نے بغیر اجازت لڑکے کے گھر درجنوں پیزے بھجوا دیئے۔
انڈین میڈیا کی رپورٹس کے مطابق بھارت کے شہر گروگرام سے تعلق رکھنے والی 24 سالہ ایوشی راوت نے ویلنٹائن ڈے پر کیش آن ڈیلیوری آپشن کے ساتھ 100 پیزا آرڈر کئے، ڈیلیوری کیلئے اپنے سابق بوائے فرینڈ یش سنگھوی کے گھر کا پتا درج کروا دیا۔
انوکھا واقعہ اُس وقت میڈیا میں آیا جب ایک تصویر سوشل میڈیا پلیٹ فارمز پر گردش کرنے لگی جس میں ڈیلیوری بوائے گھر کی دہلیز پر 100 پیزا بکس رکھ رہا ہے۔
لڑکی کا یہ عمل سابق بوائے فرینڈ سے انتقام لینا تھا یا کچھ اور اس بارے میں معلومات دستیاب نہیں لیکن سوشل میڈیا پر صارفین طرح طرح کے تبصرے کر رہے ہیں۔
کچھ صارفین نے لڑکی کو اس کی حرکت پر تنقید کا نشانہ بنایا جبکہ بعض نے اسے مارکیٹنگ اسسٹنٹ قرار دیا۔
