کوئمبتور:(ویب ڈیسک) تامل ناڈو کے علاقے کوئمبتور میں ایک کمپنی نے اپنے 140 ملازمین کو کمپنی کے ساتھ وفاداری پر 14.5 کروڑ بھارتی روپے کے بونس سے نوازا جو 46 کروڑ 7 لاکھ پاکستانی روپے بنتے ہیں۔
بھارت کی نجی کمپنی اپنے ملازمین کی حوصلہ افزائی کرتی ہے ،جو کمپنی کے ساتھ طویل عرصے تک ہیں اور انہیں ان کی کارکردگی کی بجائے وفاداری کی بنیاد پر بونس پیش کرتی ہے۔
بونس کمپنی کے "ٹوگیدر وی گرو" انیشی ایٹیو کا ایک حصہ ہے جس کا مقصد دیگر مسابقتی کمپنیوں سے خود کو ممتاز کرنا ہے۔
کمپنی کے بانی اور سی ای او سراوان کمار نے وضاحت کی کہ یہ اقدام ان ملازمین کے لیے ڈیزائن کیا گیا ہے جو 2022 سے پہلے یا اس کے دوران شامل ہوئے اور اگلے تین سال تک کمپنی کے ساتھ رہے۔
ان کا مزید کہنا تھاکہ شکر گزاری، فخر اور کامیابی کے اظہار کے طور پر ملازمین کو بھاری بونس اور تنخواہیں دیں،اس اقدام کا مقصد دیگر مسابقتی کمپنیوں سے خود کو ممتاز کرنا ہے۔
