دوحا: (ویب ڈیسک ) مایہ ناز فٹبالر،ارجنٹائن کو عالمی چیمپئن بنانے والے لیونل میسی کے قطرکے ہوٹل کے کمرے کومنی ( چھوٹے) میوزیم میں تبدیل کیے جانے کا امکان ہے۔
غیر ملکی خبر رساں ایجنسی کی رپورٹ کے مطابق لیونل میسی دوحا کی قطر یونیورسٹی کے روم بی201 میں رہائش پذیر تھے ، اس کمرے کو اب ایک چھوٹا عجائب گھر یا میوزیم میں تبدیل کیا جاسکتا ہے، جسے لوگ باآسانی دیکھ سکتے ہیں ۔
قطر یونیورسٹی نے اپنے سوشل میڈیا اکاونٹ پر پوسٹ شیئر کرتے ہوئے لکھا کہ ارجنٹائن کی قومی ٹیم کے کھلاڑی لیونل میسی قطر ورلڈکپ کے دوران جس کمرے میں ٹھہرے تھے اسے ایک چھوٹے سے میوزیم میں منتقل کر دے گی ۔
میسی نے فرانس کے خلاف ارجنٹائن کو فائنل میں پنالٹیز پر شکست دیکر تیسری بار ارجنٹائن کو عالمی چیمپیئن بنوایا تھا۔
میسی کو 2022 کے ورلڈکپ فائنل میں ٹورنامنٹ کے بہترین کھلاڑی ہونے پر گولڈن بال سے نواز گیا تھا ، انہوں نے ٹورنامںٹ میں 8 گولز اسکور کیے تھے۔
