میونخ : (ویب ڈیسک) جرمن باکسنگ چیمپئن کے دوران ترک باکسر موسیٰ یامک رنگ میں ہارٹ اٹیک کے باعث چل بسے۔
غیر ملکی میڈیا کے مطابق جرمنی کے شہر میونخ میں 38 سالہ ترک باکسر موسیٰ یامک رنگ میں یوگنڈا کے حمزہ وینڈیرا سے باکسنگ کررہے تھے کہ میچ کے دوران انہیں اچانک دل کا دورہ پڑا، موسیٰ کو فوری طبی امداد کے لیے مقامی ہسپتال منتقل کیا گیا تاہم ڈاکٹرز نے ان کی موت کی تصدیق کی۔
ترک عہدیدار حسن توران نے ٹوئٹر پر کہا کہ ہم نے اپنے ہم وطن موسٰی اسکان یامک کو کھودیا ہے، انہوں نے حال ہی میں یورپی اور ایشیائی چیمپئن شپ جیتی تھی۔ موسیٰ کا تعلق ترکی کے شہر ایلورہ سے تھا۔ فائٹ کے تیسرے راؤنڈ میں میچ کے دوران وینڈیرا نے یامک پر مکے برسائے تھے، جس کے باعث وہ لڑکھڑا گئے تھے، میچ تمام ڈیجیٹل پلیٹ فارمز پر لائیو نشر کیا جارہا تھا۔
ترک باکسر موسیٰ یامک مسلسل 8 میچوں سے ناقابلِ شکست تھے، انہوں نے پروفشنل باکسنگ کا آغاز 2017ء میں کیا تھا جب کہ 2021ء میں ورلڈ باکسنگ فیڈریشن انٹرنیشنل ٹائٹل جیتنے پر شہرت ملی تھی۔
Turkish-German boxer Musa Yamak, 38, died of a heart attack during a fight that was being broadcast live. pic.twitter.com/fSFEwVSlQC
— 3 ~ VaccineInjuries.ca (@M_T_L514) May 17, 2022
