واشنگٹن: (دنیا نیوز) امریکا میں ایک اور ٹینس ایونٹ شروع ہو گیا۔ چارلیسٹن اوپن میں ویمن سٹار کوکوگف نے فاتحانہ انٹری ڈال دی جبکہ موگوروزا اور پیٹرا کوویٹوا نے بھی اپنے میچ جیت لیے۔
تفصیل کے مطابق چارلیسٹن اوپن کے افتتاحی میچ میں ٹینس سٹار کوکوگف نے فاتحانہ انٹری ڈالتے ہوئے بیلاروسی حریف کو ہرا کر آؤٹ کیا۔ اس کے علاوہ موگوروزا اور پیٹر کوویٹووا نے بھی فتح سمیٹتے ہوئے تیسرے راؤنڈ میں رسائی حاصل کی۔
کوکوگف کا بیلاروس کی پائرونکووا سے میچ پڑا۔ تجربہ کار کھلاڑی نے چھ تین سے پہلا سیٹ جیت کر برتری کی دھاک بٹھائی جبکہ چھ صفر سے دوسرے سیٹ میں فتح پائی۔
دوسرے راؤنڈ میں سپینش سٹار موگوروزا نے پولش حریف میگڈالینا کو سٹریٹ سیٹس میں شکست دی۔ جمہوریہ چیک کی پیٹرا کوویٹوا کو آسٹریلین کوالیفائر نے ٹف ٹائم دیا۔
پہلے سیٹ کا فیصلہ ٹائی بریک پر ہوا۔ پیٹرا کوویٹووا کو سات چھ کی مشکل جیت کے بعد چھ دو سے فتح ملی۔ موگوروزا اور پیٹرا کوویٹوا تیسرے سیٹ میں اپنے میچ کھیلیں گی۔
