میلبورن: (دنیا نیوز) آسٹریلیا میں کھیلے جانے والے ایڈیلیڈ اوپن کے دوسرے راؤنڈ میں سابق عالمی نمبر ایک اینجلیک کربر انجری کے باعث میچ مکمل نہ کر سکیں اور ریٹائرڈ ہرٹ ہو گئیں۔
غیر ملکی خبر رساں ادارے کے مطابق ٹینس سیزن کے پہلے گرینڈ سلیم کی تیاریاں عروج پر پہنچ گئی ہیں، پہلے گرینڈ سلیم آسٹریلین اوپن سے پہلے ایڈیلیڈ اوپن کا ٹائٹل کیلئے ویمن سنگلز میں یوکرائن کی غیر معروف کھلاڑی یسٹرمسکا Yastremska کا سابق نمبر ون انجلیک کربر سے مقابلہ ہوا۔
جرمن کھلاڑی پہلے سیٹ میں چھ تین کی شکست کھا گئیں، اسی دوران وہ تکلیف میں نظر آئیں، کھیل جاری نہ رکھ سکیں۔
.@D_Yastremska progresses to the @AdelaideTennis quarterfinals as Kerber retires at 6-3, 2-0. pic.twitter.com/pAusyMvdxw
— WTA (@WTA) January 15, 2020
دوسرے سیٹ کے شروع ہوتے ہی کربر نے میچ ادھورا چھوڑنے کا فیصلہ کر لیا اور ایونٹ سے آؤٹ ہو گئیں۔
یاد رہے کہ آسٹریلین اوپن ٹینس 2020 ٹورنامنٹ کا آغاز 20 جنوری سے ہو گا، جس کیلئے کوالیفائنگ راؤنڈ کے میچز جاری ہیں جبکہ ملبورن کی فضا آلودہ ہے جبکہ حکام کا کہناہے کہ تمام حالات کا باریک بینی سے جائزہ لے رہے ہیں۔
