لاہور: (ویب ڈیسک) قومی کرکٹ ٹیم کے آل راؤنڈر شعیب ملک اور ان کی بھارتی ٹینس سٹار اہلیہ ثانیہ مرزا کے بیٹے کی پیدائش کو ایک سال ہو گیا ہے، بیٹے اذہان کی پہلی سالگرہ پر مداحوں سے جذباتی پوسٹ شیئر کی ہے۔
ثانیہ مرزا نے بیٹے اذہان کی پیدائش کے بعد لی ایک یادگار تصویر انسٹاگرام پر شیئر کی جس میں انہوں نے بیٹے کو دعائیں اور پہلی سالگرہ کی مبارکباد پیش کی۔
یہ بھی پڑھیں: بیٹے کی پیدائش، قومی کرکٹر شعیب ملک باپ بن گئے
بھارتی ٹینس سٹار نے جذبات کا اظہار کرتے ہوئے لکھا کہ جس ایک برس سے تم دنیا میں آئے تب سے تم میری دنیا بن گئے۔ جس دن تم پیدا ہوئے تم مسکرائے اور جب سے تمہاری مسکراہٹ ہر جگہ بکھر جاتی ہے جہاں تم جاتے ہو۔
یہ بھی پڑھیں: ثانیہ مرزا نے 26 کلو وزن کم کر کے ناقدین کو حیران کر دیا
بیٹے سے محبت کا اظہار کرتے ہوئے ثانیہ مرزا نے لکھا کہ میں وعدہ کرتی ہوں کہ میں اپنی زندگی کے آخری سانس تک تمہارے ساتھ رہوں گی۔
Happy Birthday my little angel I pray Allah gives you everything you work towards and desire and continue to grow into the most loving and gentle boy that you already are .. InshaAllah .. Thank you for choosing us my little Izhaan #HappybirthdayIzhaan pic.twitter.com/Ynj0UbLJZB
— Sania Mirza (@MirzaSania) October 30, 2019
آخر میں ثانیہ مرزا نے بیٹے کو مستقبل کے لیے دعائیں بھی لکھیں۔
علاوہ ازیں ثانیہ مرزا نے انسٹاگرام پر بھی ایک ویڈیو شیئر کی جس میں ان کی بہن اذہان کو گود میں لے کر بیٹھی ہیں اور پوچھتی ہیں کہ اذہان آپ کس برس میں داخل ہونے جارہے ہیں؟ جس پر ننھے اذہان نے بڑی معصومیت سے انگلی کو اٹھا کر اشارہ کیا۔
یاد رہے کہ بھارتی ٹینس سٹار ثانیہ مرزا کو ماں بننے کے بعد کافی مرتبہ زیادہ وزن پر تنقید کا سامنا کرنا پڑا تھا، اس دوران بھرپور جم ٹریننگ کرتے ہوئے اپنا 26 کلو وزن کم کر کے ناقدین کو حیران کر دیا تھا۔
