میرانشاہ : (دنیا نیوز ) میرعلی سب ڈویژن میں نامعلوم افراد کی جانب سے زیرتعمیرپولیس چوکی کوآگ لگانے کا واقعہ پیش آیا ہے ۔
شمالی وزیرستان کے میرعلی سب ڈویژن میں نامعلوم افراد نے زیرتعمیر پولیس چوکی کوآگ لگا دی ، پولیس چوکی میرعلی بازار کے مین چوک میں بن رہی تھی۔
واقعے کی اطلاع ملتے ہی پولیس جائےوقوعہ پر پہنچ گئی اور تحقیقات شروع کردی ہے ۔
یاد رہے کہ گزشتہ روز شمالی وزیرستان میں سکیورٹی فورسز سے جھڑپ کے دوران 6 دہشت گرد ہلاک ہو گئے تھے، ہلاک ہونے والے دہشت گرد سیکیورٹی فورسز پر حملوں اور دیگر دہشت گرد کارروائیوں میں مطلوب تھے۔۔
