راولپنڈی: (دنیا نیوز) سربراہ عوامی مسلم لیگ اور سابق وفاقی وزیر داخلہ شیخ رشید احمد نے متنبہ کیا ہے کہ سپریم کورٹ سائفر کی تحقیق نہیں کرے گا تو حالات گھمبیر ہوسکتے ہیں۔
سماجی رابطے کی ویب سائٹ ٹویٹر پر اپنے پیغام میں شیخ رشید احمد نے لکھا کہ عمران خان کی نااہلی اور گرفتاری سے حکمرانوں کو کچھ نہیں ملے گا، کم عقل حکمران ہر قدم اپنے خلاف اٹھاتے ہیں، دو ہفتوں سے بلاول بھٹو امریکا میں مزے کر رہا ہے اُسے سندھ کے سیلاب زدگان کی کوئی فکر نہیں۔
سپریم کورٹ سائیفر کی تحقیق نہیں کرے گا توحالات گھمبیر ہو سکتے ہیں کم عقل حکمران ہرقدم اپنے خلاف اٹھاتےہیں۔عمران خان کی نااہلی اورگرفتاری سےحکمرانوں کوکچھ نہیں ملےگا۔اسلام آباد کی پولیس تھک چکی ہے2ہفتوں سےبلاول بھٹو امریکہ میں مزے کررہا ہے اُسےسندھ کے سیلاب زدگان کی کوئی فکر نہیں
— Sheikh Rashid Ahmed (@ShkhRasheed) October 2, 2022
سابق وفاقی وزیر نے کہا کہ پاکستان کے سیاسی مستقبل کا فیصلہ اب اعلیٰ عدالتوں سے منسلک ہے، 4 اکتوبر کو نیب ترامیم کیس کی سماعت بھی اہم ہے، انہوں نے خبردار کیا کہ اگر چیئرمین تحریک انصاف عمران خان کی کال پر فیصلہ چوک اور چوارہے میں ہونا ہے تو جھاڑو پھر جائے گا۔
پاکستان کے سیاسی مستقبل کا فیصلہ اب اعلیٰ عدالتوں سے منسلک ہے4 اکتوبر کو نیب ترامیم کیس کی سماعت بھی اہم ہے۔اگر عمران خان کی کال پرفیصلہ چوک اور چوارہے میں ہونا ہے تو جھاڑو پھر جائےگا۔عوام کےمسائل سے ڈیل کی ضرورت ہے چوروں سےنہیں۔اکتوبر اہم ہے15 نومبر تک اہم سیاسی فیصلےہوجائیں گے
— Sheikh Rashid Ahmed (@ShkhRasheed) October 2, 2022
شیخ رشید نے واضح کیا کہ عوام کے مسائل سے ڈیل کی ضرورت ہے چوروں سے نہیں، اکتوبر اہم ہے، 15 نومبر تک اہم سیاسی فیصلے ہوجائیں گے۔
