لاہور: (لیاقت انصاری سے) وزیر اعلی پنجاب عثمان بزدار نے کہا ہے کہ کوئی غلط کام کیا ہے تو نیب کا سامنا کرنے کو تیار ہوں، وزیر اعظم کو استعفی پیش کر دیا ہے انکی مرضی ہے کہ ایک دن میں قبول کریں یا دو دن بعد ، اب انکی مرضی ہے ،وزیر اعلی نے لاہور کو دو اضلاع میں تقسیم کرنے ،راولپنڈی میں دو نئی تحصیلیں ،مری اور تونسہ تحصیلوں کو ضلع بنانے کی اصولی منظوری دے دی۔
وزیر اعلی پنجاب سردار عثمان بزدار نے صحافیوں سے غیر رسمی گفتگو میں بتایا کہ وزیر اعظم کو استعفی پیش کر دیا ہے ،یہ استعفی ایک دن میں قبول ہو یا دو دن میں قبول ہو۔ یہ انکئ مرضی ہے سیاست میں چھوٹی موٹی چیزیں چلتی رہتی ہیں کسی کا اپنا ، کسی اور کا اپنا خیال ہوتا ہے ،میرے ہوتے ہوتے بھی تمام چیزیں چل رہی تھیں مگر پارٹی چیئر مین کی قیادت میں ساری چیزیں چل رہی ہیں کس کے ووٹ سے آئے ہوں اس کو ووٹ دینے سے کیسے انکار کرسکتے ہیں۔
انہوں نے کہا کہ ہم سب کی ڈیوٹی ہے کہ پرویز الہی کا الیکشن لڑیں، علیم خاں نے میرے ساتھ اچھا کام کیا میں نہیں چاہتا تھا کہ وہ استعفی دیں مگر انکا کہنا تھا کہ انکی مصروفیات ہیں ،غرور اور تکبر نہیں ہونا چاہئے ہتھکڑی لگانے۔ ڈنڈا اٹھا کر کسی کی تضحیک کا کلچر نہیں ہونا چاہیےعزت سے بیورو کریسی سے کام لینے پر یقین رکھتا ہوں ڈنڈا نہیں پیار سے کام لینے پر یقین رکھتا ہوں کسی کو مورد الزام نہیں ٹھہرانا غلط فہمیاں دور ہونی چاہے کسی مشکل فیصلے سے نہیں ڈرتا قانون کے مطابق اج بھی ہر فائل پر دستخط کر رہا ہوں کوئی الزام لگاتا ہے تو انکوائر ی کروا لے الزام لگانا آسان ہے۔
وزیراعلیٰ کا کہنا تھا کہ سی ایم ہاؤس میں ہر چیز موجود ہے کیمرے لگے ہیں کوئی ریکارڈ نہیں جلایا گیا ، استعفی دیدیا ساڑھے تین سالوں میں ایک دن بھی نہیں ایسا آیا کِہ کبھی دماغ میں تکبر آیا ہو پریس کلب کی گرانٹ دوبارہ سے دو کروڑ بحال کرنے کا اعلان کرتا ہوں کام تو بہت کیا۔ مگر اجاگر نہیں ہوسکا جو تعلق بنایا ہے یہ ساری زندگی کا تعلق ہو جنوبی پنجاب کا سیکرٹریٹ بنا دیا ہے جنوبی پنجاب صوبے کی طرف بڑھے ہیں پنجاب کے انتظامی یونٹ بنانے کی منظوری دے دی جب فری ہو جاؤں گا تو کتاب لکھوں گا کوہ سلیمان سے سیون کلب تک کتاب کا عنوان ہوگاجو نصیب میں لکھا وہ ملکر رہتا ہے۔ وزیر اعلی بننا نصیب میں تھا پہلے بھی ہم اور ق لیگ اتحادی تھے پہلے بھی اچھے طریقے سے چلے چودھری صاحب بزرگ ہیں جو موقف پہلے دن سے تھا اج بھی ہے وزارت اعلی کے بعد کسی اور عہدے کی خواہش نہیں۔
ان کا کہنا تھا کہ اسپیکر ہو گورنر ہے یا سینئر منسٹر سب عہدے اہم ہیں لیکن عہدے کی خواہش ہےآخری لمحے تک کام کروں گا کوئی فائل نہیں رکی۔ اسی طرح کام ہو رہا ہے پورے پنجاب میں کہیں ریکارڈ کو آگ لگنے کا واقعہ نہیں ہوا سی ایم آفس کا ایک ایک ریکارڈ محفوط ہے کوئی آگ نہیں لگی وزیر اعلی پنجاب عثمان بزدار کا کہنا تھا کہ خاموشی سے کام کیا ڈھول نہیں بجایا پنجاب میں ریکارڈ ترقی کے کام ہو رہے ہیں ایک ہزار بلین تک کے کام ہو رہے ہیں۔
وزیر اعلی نے کہا کہ خاتون اوّل سے تعلق کی وجہ سے عہدہ ملنے والی کوئی بات نہیں اگر اپوزیشن میں پارٹی آتی ہے تو پارٹی طے کرے گی کہ کون اپوزئش لیڈر ہو اگر غلط کام کیا تو حساب دینے کو تیار ہین اگر کچھ غلط کیا نو نیب کا سامنا کرنے کو تیار ہیں۔
