اسلام آباد: (دنیا نیوز) وزیراعظم عمران خان نے پاکستانی نوجوانوں کا حوصلہ بڑھانے کیلئے اپنے ایک خصوصی پیغام میں کہا ہے کہ آپ تبھی ہارتے ہیں جب کوشش ترک کر دیتے ہیں۔
سماجی رابطوں کی ویب سائٹ ٹویٹر پر جاری پیغام میں وزیراعظم عمران خان نے لکھا کہ چاہتا ہوں کہ ہمارے پاکستانی نوجوان ٹوکیو اولمپکس 2020ء کی خواتین کی دوڑ کی ویڈیو دیکھیں اور اس سے وہ اہم ترین سبق حاصل کریں جو کھیل نے مجھے سکھایا ہے کہ ’’ آپ ہارتے تبھی ہیں جب آپ کوشش ترک کر دیتے ہیں ‘‘۔
میں چاہتا ہوں کہ ہمارے پاکستانی نوجوان یہ دوڑ دیکھیں اور اس میں سے وہ اہم ترین سبق حاصل کریں جو کھیل نے مجھے سکھایا ہے کہ: "آپ ہارتے تبھی ہیں جب آپ کوشش ترک کردیتے ہیں"۔
— Imran Khan (@ImranKhanPTI) August 8, 2021
pic.twitter.com/a7UnCvnwSR
اتوار کو وزیراعظم عمران خان نے اپنے ایک ٹویٹ کے ساتھ اولمپکس مقابلوں میں خواتین کی دوڑ کی ویڈیو شیئر کی جس میں ایک خاتون اتھلیٹ دوڑتے ہوئے گرنے کے بعد اٹھ کر دوبارہ مقابلہ میں شریک ہو کر مقابلہ جاری رکھتی ہےاور اول پوزیشن حاصل کرنے میں کامیاب ہو جاتی ہے۔
اپنے ایک دوسرے ٹویٹ میں وزیراعظم نے لکھا کہ کورونا وبا سے نمٹنے کے حوالے سے ہماری حکمت عملی کی دنیا تعریف کر رہی ہے اور اللہ کریم کے فضل واحسان سے پاکستان کورونا وائرس کے مہلک ترین اثرات سے محفوظ رہا ہے۔
