اسلام آباد: (دنیا نیوز) ملک بھر میں اب تک کورونا وائرس کی ایک کروڑ 29 لاکھ ویکسین شہریوں کو لگا دی گئی۔
سماجی رابطے کی ویب سائٹ ٹویٹر پر معاون خصوصی برائے صحت ڈاکٹر فیصل سلطان کی جانب سے تین روز میں لگائی گئی خوراکوں کی تعداد بھی جاری کر دی گئی ۔16 جون کو 4 لاکھ 16 ہزار، 17 جون کو 2 لاکھ 66 ہزار خوراکیں لگائی گئیں، 18 جون کو ملک بھر میں کورونا ویکسین کی 2 لاکھ 26 ہزار خوراکیں لگائی گئیں، ملک بھر میں تاحال 1 ملین خوراکوں کا سٹاک موجود ہے۔
Available doses countrywide over 1 million
— Faisal Sultan (@fslsltn) June 19, 2021
Anticipated June arrivals:-
20th 1.55 million
22nd 2.5 million
23 to 30th 2-3 million + 400,000 Pakvac (Cansino)
Therefore any pressure in the system & local/distribution issues will be eased by Mon/Tue, inshallah
انہوں نے لکھا کہ 20 جون کو 1.55 ملین اور 22 جون کو 2.5 ملین خوراکیں پاکستان پہنچیں گی، 23 سے 30 جون تک 2 سے تین ملین بشمول 4 لاکھ کین سائنو میسر آسکیں گی، ویکسین کی قلت کے حوالے سے سسٹم میں پریشر کو پیر منگل تک حل کیا جاسکے گا۔
انہوں نے کہا کہ پاکستان میں لگائی گئی کورونا ویکسین خوراکوں کی مجموعی تعداد 12.9 ملین ہے۔
