اسلام آباد: (دنیا نیوز) وفاقی وزیر خارجہ شاہ محمود چھتری بردار کو ساتھ لے کر روسی ہم منصب کے استقبال کے لیے پہنچ گئے، سوشل میڈیا پر وڈیرہ شاہی انداز کے باعث شدید تنقید کی زد میں آگئے۔
تفصیلات کے مطابق ملک کی نمائندگی کے لیے ہر دم تیار لیکن اپنی چھتری خود اٹھانے میں عار، روسی ہم منصب کے استقبال کے لیے وزیر خارجہ شاہ محمود قریشی ائیرپورٹ پہنچے تو چھتری بردار خدمتگار بھی ہمراہ تھا، روسی ہم منصب جہاز سے اترے تو اپنی چھتری خود تھام رکھی تھی۔
وزیر خارجہ کا وڈیرہ شاہی انداز عوام کو ایک آنکھ نہ بھایا، سوشل میڈیا پر شاہ محمود قریشی کو شدید تنقید کا نشانہ بنایا گیا۔
سوشل میڈیا صارفین کا کہنا ہے کہ روس جیسی سپر پاور کا وزیر خارجہ اپنی چھتری خود اٹھا سکتا ہے تو پاکستانی وزیر خارجہ کیوں نہیں۔
Scenes of Russian Foreign Minister s visit to Pakistan, what did you find interesting in these scenes?@ForeignOfficePk @SMQureshiPTI pic.twitter.com/XNdg0HCWDi
— Abdul Hameed Lone (@HameedAPHC) April 6, 2021
